Prézidént obama: xitay amérikining “Riqabetchisi” we shundaqla “Yoshurun shériki” dep körsetti

Amérika démokratlar prézidént namzati barak obama bilen jumhuriyetchiler namzati mit romnéy, seyshenbe küni kechte 3‏-qétim bes-munazire élip bérip, ottura sherq, ereb bahari, iran mesilisi, isra'iliye, xitay qatarliq döletler bilen bolghan munasiwetni talash-tartish qildi.
Muxbirimiz erkin
2012-10-23
Share

Prézidént obamaning ilgiri sürüshiche, térrorluq amérika bixeterlikige tehdit peyda qilidighan eng muhim amil. U xitay heqqide toxtilip, xitay amérikining yoshurun shériki bolush bilen birge, uning riqabetchisi ikenlikini bildürdi.

Biraq mit romnéyning ilgiri sürüshiche, yadro qorallirigha ige iran amérika bixeterlikige tehdit peyda qilidighan eng chong amildur.

Xitay mesilisi munazirining eng axirida talash-tartish qilin'ghan bolup, pütkül bes-munazire nuqtiliq ottura sherq mesilisige merkezleshken. Romnéy xitayni “Pul kursini kontrol qilidighan dölet” dep tenqid qilip, prézidéntliqqa olturghan 1‏-küni, “Pul kursini kontrol qilidighan dölet” dep élan qilidighanliqini bildürdi.

Prézidént obama: romnéy méni xitaygha bek qattiq qol bolup ketting, dep tenqid qiliwatidu, dédi.

Tünügünki munaziride rumnéy xitayni bir az yumshaq sözlerni ishlitip tenqid qilghan. Közetküchilerning ilgiri sürüshiche, bu rumnéy saylan'ghan teqdirdimu, amérika-xitay munasiwitide achquchluq özgirish bolmaydighanliqi, soda, kishilik hoquq qatarliq mesililerdiki ixtilap dawamlishidighanliqidin dérek béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet