Amérika sénkaku arilini qoghdashni dölet mudapi'e qanun layihisige kirgüzdi

Yaponiye axbarat wasitilirining ashkarilishiche, bu qanun layihiside sénkaku arilini qoghdash, amérika-yaponiye bixeterlik ehdinamisining 5-maddisigha tunji qétim kirgüzülgen. Hemde qanun layihisidiki maddilargha asassen üchinchi bir döletning bir tereplime heriket qollinishi qobul qilinmaydighanliqi yézilghan. Xewerde yene prézidént obamaning qanun layihisige imza qoyushi amérika hökümitining sénkaku arili mesiliside yaponiye hökümitini küchlük qollighanliqidin dérek béridu déyilgen.

Xitay hökümiti amérika-yaponiye otturisidiki herbiy hemkarliqqa üzlüksiz qarshi turup kéliwatqan bolup, 2012-yili 27-dékabir küni xitay dölet mudapi'e ministirliqining axbarat bayanatchisi yang yüjün bayanat bérip, amérika parlaméntining “2013-Yilliq maliye yili dölet mudapi'e hoquq bérish qanun layihisi” de junggogha chétilidighan mezmunlarning barliqini bildürüp, bu “Junggoning igilik hoquqi we ichki ishlirigha qopalliq bilen arilashqanliq” dep eyibligen idi.