Amérika süriyidiki bir öktichi teshkilatni “Térrorluq teshkilat” dep élan qildi

Amérika dölet ishliri mejlisining bayanatida ilgiri sürülüshiche, “Süriye xelqining azadliqini qollighuchilar” namidiki teshkilat özini qanuniy jehettin süriyidiki öktichi küchlerning bir qismi qilip körsitiwatqan bolsimu, emma bu teshkilatning elqa'ide teshkilati bilen baghlinishi barliqi éniqlan'ghan.

B b s agéntliqining bu heqtiki xewiride, amérikining bu teshkilatni térrorluq teshkilati dep élan qilishi, teshkilatning amérikidiki barliq mal-mülkining tonglitilishidin dérek béridighanliqi ilgiri sürülgen. Melum bolushiche, bu teshkilat 2011-yilidin buyan süriyidiki asasliq sheherlerge qarita 600 qétimdin köprek hujum élip barghan.