Amérika bilen teywenning urushchi radar sodisi toxtami kéler ayda imzalinidu
Amérika ötken yil sintebirde, teywenning bir qisim konirighan herbiy eslihelirini yéngilap béridighanliqini élan qilghan. Buninggha qarita xitay tashqi ishlar ministirliqi amérika bash elchisini chaqirtip ekilip, eger amérika teywen'ge qoral sétip berse, amérika - xitay munasiwitining éghir derijide zexmilinidighanliqini eskertken we naraziliqini ipadiligen.
-
Muxbirimiz shöhret hoshur
2012-06-25 -
-
-
Fransiye axbarat agéntliqining bügünki xewiride bayan qilinishiche, mezkur qoral sodisining toxtami kéler ayning 26 - künidin awwal imzalinidu. Melum bolushiche, bu qétimqi qoral sodisining qimmiti 600 milyon dollargha yéqin bolup, sétip bérilidighan esliheler arisida urushchi radar dep atilididighan alahide közitish aparatimu bar. Bu qétimqi qoral sodisidin kéyin teywenning F - 16 A/B tipliq urushchi ayroplanliri F - 16 C/Ds tipliq ilghar urushchi ayropilanlargha almashturilidu.
Teywen mudapi'e ministirliqi bügün muxbirlarning bu heqtiki so'allirini jawabsiz qaldurghan. Emma, teywen hawa armiye qisimining bir emeldari, qoral sodisi heqqide washin'gitondin jawab kelgenlikini, nöwette herbiy eslihelerning türi we bahasigha qarap chiqiliwatqanliqini bildürgen.