Amérika dölet mejlisi ezasi teywen'ge küreshchi ayropilanlarni sétip bérishke amal chiqidighanliqini bildürdi

Teywen da'iriliri bu yil baharda amérikidin 6 milyard dollar qimmitidiki qoral sétip bérishini telep qilghan bolup, bularning ichide 66 dane F-16 tipliq küreshchi ayropilanlarmu bar idi.

Obama da'iriliri xitay terepning naraziliqini közde turup, hazirghiche teywenning bu telipige éniq jawab bermigen we axirqi qararning bu yil öktebirde élinidighanliqini bildürgen.

Bu heqte axbarat élan qilghan dölet mejlisi ezasi jon kornyn bu yil öktebir yaki noyabirda dölet mejlisining yéngi bir mudapi'e qanuniy tonushturidighanliqini mushu qanun boyiche teywen'ge qoral sétip bérishke yol chiqidighanliqini bildürgen.

U yene, amérika prézidéntining bu qanun layihisini ret qilishqa hoquqi bolsimu, mezkur yéngi qanunda otturigha qoyulidighan maddilarning köpinchisi amérikigha munasiwetlik bolghachqa obamaning amalsiz qalidighanliqinimu qoshumche qilghan.

Amérikining 1979-yildiki “Teywen munasiwetler qanuni” gha asasen amérika teywenni qoghdash we zörür herbiy yardemlerni bérish mejburiyitige ige idi.