Америка хадими өзигә от қойған тибәтләрниң тавабиатлири билән көрүшкән

Америкиниң муавин дөләт ишлар министири майк поснер өзигә от қоюп намайиш қилған тибәтләрниң аилә тавабиатлири билән көрүшкән вә уларға һесдашлиқ қилидиғанлиқини билдүргән.
Мухбиримиз җүмә
2012.12.01


Америка дөләт ишлар министирлиқи баянатчиси векторийә нуландниң билдүрүшичә, поснер әпәнди хитайниң тибәткә қаратқан бастурушлиридин бәк әндишә қиливатқанлиқини билдүргән.

Нуланд мундақ деди: биз тибәттики әкс тәсир бериватқан сиясәтләргә һәмдә диний әркинлик, сөз пикри әркинлики, тәшкиллиниш - җәмийәт қуруш әркинликигә қоюлуватқан чәклимиләргиму йеқиндин диққәт қилип келиватимиз.

Һалбуки, дөләт ишлар министирлиқи поснер билән көрүшкән тибәтләрниң бихәтәрликини көздә тутуп учришишниң қачан, қәйәрдә болғанлиқини ашкарилимиди.

Пәқәт 11 - айдила хитайға наразлиқ билдүрүп өзигә от қойған тибәтләрниң сани 20 дин ашқан иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.