Америкидики уйғурлар йеңи йилни биргә күтүвалди

Америкиниң ғәрбий деңиз саһилидики районларда олтурақлашқан аилиликләрни асас қилған уйғур муһаҗирлар чаршәнбә күни америкиниң вирҗинийә штати фаирфакс наһийисидики бир пенсийигә чиққан һәрбийләр җәмийитиниң залиға йиғилип, йеңи йил кечилики өткүзди.
Мухбиримиз әркин
2008-12-31
Елхәт
Пикир
Share
Принт

Кечиликни мәркизи вашингитондики америка уйғур җәмийити уюштурған болуп, кечиликниң башлинишида дуня уйғур қурултийиниң рәиси рабийә қадир ханим сөзгә тәклип қилинди. У, америкидики уйғурлар шундақла вәтән ичи ‏ - сиртидики уйғур хәлқиниң йеңи йилини тәбрикләйдиғанлиқини, 2009 ‏ - йилниң уйғурлар үчүн хәйрлик бир йил болуп қелишини үмид қилидиғанлиқини билдүрди.

Кечилик паалийәт җәрянида меһманлар миллий таамларға еғиз тегипла қалмай, миллий нахша, музикиларни шундақла халисанә гуруппиларниң орунлишидики " тәнлирим япрақ", " бизниң маршимиз" дегән колликтип нахша вә маршларни аңлиди һәмдә усул ойниди.

Америка уйғур җәмийити йеңи йил кечилики һәққидики уқтурушида йеңи йилни "қериндашларниң үз ‏ - ара учришип, биргә тәнтәнә қилидиған яхши пурсәт " дәп тәкитлигән.

Йеңи йил кечилики өткүзүш ислам әллиридики уйғур муһаҗирлар арисида бәк омумлашмиған бир паалийәт болсиму, лекин ғәрб әллиридики уйғурлар арисида өз ‏ - ара учришип, дидарлишидиған вә муңдишидиған яхши пурсәт, дәп қарилиду.

Вашингтон вақти билән саәт 7:00 ләрдә башланған кечилик әтиси таң сәһәр саәт 1:00 гә қәдәр давам қилди.


Пикирләр (0)
Share
Толуқ бәт