Amérikidiki Uyghurlar yéngi yilni birge kütüwaldi

Amérikining gherbiy déngiz sahilidiki rayonlarda olturaqlashqan a'ililiklerni asas qilghan Uyghur muhajirlar charshenbe küni amérikining wirjiniye shtati fa'irfaks nahiyisidiki bir pénsiyige chiqqan herbiyler jem'iyitining zaligha yighilip, yéngi yil kéchiliki ötküzdi.
Muxbirimiz erkin
2008-12-31
Élxet
Pikir
Share
Print

Kéchilikni merkizi washin'gitondiki amérika Uyghur jem'iyiti uyushturghan bolup, kéchilikning bashlinishida dunya Uyghur qurultiyining re'isi rabiye qadir xanim sözge teklip qilindi. U, amérikidiki Uyghurlar shundaqla weten ichi ‏ - sirtidiki Uyghur xelqining yéngi yilini tebrikleydighanliqini, 2009 ‏ - yilning Uyghurlar üchün xeyrlik bir yil bolup qélishini ümid qilidighanliqini bildürdi.

Kéchilik pa'aliyet jeryanida méhmanlar milliy ta'amlargha éghiz tégipla qalmay, milliy naxsha, muzikilarni shundaqla xalisane guruppilarning orunlishidiki " tenlirim yapraq", " bizning marshimiz" dégen kolliktip naxsha we marshlarni anglidi hemde usul oynidi.

Amérika Uyghur jem'iyiti yéngi yil kéchiliki heqqidiki uqturushida yéngi yilni "qérindashlarning üz ‏ - ara uchriship, birge tentene qilidighan yaxshi purset " dep tekitligen.

Yéngi yil kéchiliki ötküzüsh islam elliridiki Uyghur muhajirlar arisida bek omumlashmighan bir pa'aliyet bolsimu, lékin gherb elliridiki Uyghurlar arisida öz ‏ - ara uchriship, didarlishidighan we mungdishidighan yaxshi purset, dep qarilidu.

Washin'gton waqti bilen sa'et 7:00 lerde bashlan'ghan kéchilik etisi tang seher sa'et 1:00 ge qeder dawam qildi.


Toluq bet