Америка хитайдин импорт қилинидиған қуяш енергийә тахтилиридин елинидиған баҗни ашурушни рәсмий қарар қилди

Чаршәнбә күни америка хәлқара тиҗарәт комитети хитайдин импорт қилинидиған қуяш енергийә тахтилириға қоюлидиған баҗни 5 йил муддәт бойичә 2 һәссидин 3-һәссигичә өрлитишни рәсмий бекитти. Қарар, америка қуяш енергийә ширкәтлириниң мәнпәитини қоғдаш үчүн 0 гә қарши 6 аваз билән бекитилгән.
Мухбиримиз ирадә
2012.11.08

Мәзкур мәсилә узундин буян америка-хитай тиҗарәт мунасивәтлиридики муһим мәсилиләрниң бири болуп кәлгән иди. Америка қуяш енергийә тахтиси ширкәтлириниң тәйярлиған доклатлирида көрситилишичә, хитай һөкүмити адил тиҗарәт усуллириға хилап һалда қуяш енергийә ширкәтлиригә малийә ярдими берип, тәннәрхни төвәнлитиш усули арқилиқ експортни ашурған. Нәтиҗидә, хәлқара қуяш енергийә базиридики баһа қалаймиқан болуп, америка вә явропаниң қуяш енергийә ширкәтлири зиян тартқан.

Хитай болса америка ширкәтлириниң давасиға етираз билдүрүп, америкини әркин сода қаидисигә әмәл қилмаслиқ билән әйиблигән иди. Ройтерсниң хәвәр қилишичә, америка қуяш енергийә тахтиси ширкәтлири юқиридики тәдбир иҗра қилинса америка ширкәтлириниң зорийишиға пайдилиқ болуп, иш имканиниң көпийидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.