Kandaliza rayis 7 ‏- we 8 ‏- yanwar künliride xitayni ziyaret qilidu

Xitay tashqi ishlar ministirliki tor békitide jüme küni élan qilghan bayanatida kondaliza rayisning 7 ‏- we 8 ‏- yanwar künliride xitayni ziyaret qilidighanliqini ashkarilidi. Eger rayisning ziyariti emeliyleshse, bu rayisning amérika tashqi ishlar ministiri salahiyiti bilen élip barghan eng axirqi ziyariti bolup qalidu.

Rayisning ziyariti xitay bilen amérika diplomatik munasiwet ornatqanliqining 30 yilliqini tebriklewatqan mezgilge toghra kelgen bolup, amérika prézidénti bush bilen xitay rehbiri xu jintawlar öz ‏- ara bir - birini qutluqlighan idi.

Xitay tashqi ishlar ministirlikining tor békitide élan qilin'ghan bu heqtiki xewerde mundaq dégen": amérika tashqi ishlar ministiri rayis 7 ‏- we 8 ‏- yanwar künliride junggoni ziyaret qilip, junggo - amérika diplomatik munasiwiti ornitilghanliqining 30 yilliqini xatirileshke munasiwetlik pa'aliyetlerge qatnishidu."

Kandiliza rayis yéqinda özining xitayni ziyaret qilidighanliqini bildürgen, lékin ziyaretning qaysi küni élip bérilidighanliqini éytmighan idi. U xatirilesh pa'aliyitige qatnishish bilen birge "biz yene néme ishlarni qilish üstide izdiniwatimiz" dégen idi.

Xitay tashqi ishlar ministirliki bayanatida rayis bilen yang jéchining "ikki terep munasiwiti we ortaq köngül bölidighan mesililerde pikir almashturidighanliqi"ni ilgiri sürgen, lékin söhbet mezmunigha da'ir tepsilatlar üstide toxtalmighan.