Amérikining yumshaq détal shirkiti xitay hökümiti üstidin sotqa erz sundi

Birleshme agéntliqining bayan qilishiche, amérikidiki saybérsittér Cybercitter yumshaq détal shirkiti, xitay hökümiti intérnétni tosush üchün ishligüzgen 'yéshil tosma' dégen yumshaq détal mesiliside, xitay hökümitini we 7 xitay shirkitini téxnika oghrilidi dep sotqa eyibname yollidi. Bu erz tünügün los anjilis shehiridiki bir sot mehkimisde en'ge élindi.

Xewerde éytilishiche, xitayda hökümet teshebbus qiliwatqan, emma tor ehli qattiq qarshi turghan 'yéshil süzgüch' depmu atilidighan bu yumshaq détal, amérikining yumshaq détal shirkiti teripidin ata - anilarning ösmürlerni nazaret qilishta qollinishi üchün ishlen'gen uchur süzgüch yumshaq détaldiki sipirlashturulghan shertlik belgilerdin 3 ming qurdin artuq hel qilghuch shertlik belge, xitay shirketliri teripidin oghrilinip, öz pétiche yötkep qollinip ishlen'gen. Bundaq qilimish amérikida bashqilarning téxnika hoquqigha tajawuz qilghan jinayi qilimish bolup hésablinidu.