Америка йемәк - ичмәк вә дора - дәрмәк башқуруш идариси иш беҗириш орни хитайда иш башлайду

Америка йемәк - ичмәк вә дора - дәрмәк башқуруш идариси хитайдин америкиға импорт қилинидиған йемәкликләрниң бихәтәрлик өлчимигә капаләтлик қилиш үчүн хитайда 3 орунда иш беҗириш орни тәсис қилған болуп, мәлуматларға қариғанда, америкиниң мәзкур иш беҗириш орни бу һәптә хитайда рәсимий иш башлайдикән.
Мухбиримиз җүмә
2008-11-17
Share

Бирләшмә агентлиқида көрситилишичә, америка сәһийә вә йемәк - ичмәк сүпәт тәкшүрүш органлириниң хитайда бу хилидики ишханини тәсис қилишидики асаси сәвәбләр үстидә тохталған америка сәһийә вә сағламлиқ министирлиқи министири майик ливит, буниң америка вә хитай истималчилириниң мәнпәәтини қоғдаш үчүн икәнликини билдүргән.

Америка дора - дәрмәк вә йемәк - ичмәк башқуруш идарисиниң хитайда ачидиған иш беҗириш орниниң биринчи ишханиси, 19 - ноябир чаршәнбә күни бейҗиңда иш башлайдиған болуп, ишханиниң ечилиш мурасимиға америка сәһийә вә саламәтлик министирлиқи министири майик ливит вә башқа мунасивәтлик хадимлар қатнишидикән.

Мәлум болушичә, америка йемәк - ичмәк вә дора - дәрмәк башқуруш идариси йәнә, хитайниң шаңхәй вә гуаңҗу шәһәрлиридә икки тармақ ишхана ачидиған болуп, мәзкур ишханиларға 13 нәпәр америка хадими әвәтилидикән.

 Өткән йили хитайда ишләнгән һайванатлар йемәклири америкида нурғун әрмәк һайванлириниң өлүшини кәлтүрүп чиқарғандин кейин,хитайдин келидиған мәһсулатларниң болупму йемәкликләрниң бихәтәрлик мәсилиси дуня характерлик агаһ болуш туйғуси шәкилләндүргән иди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт