Amérika yémek - ichmek we dora - dermek bashqurush idarisi ish béjirish orni xitayda ish bashlaydu

Amérika yémek - ichmek we dora - dermek bashqurush idarisi xitaydin amérikigha import qilinidighan yémekliklerning bixeterlik ölchimige kapaletlik qilish üchün xitayda 3 orunda ish béjirish orni tesis qilghan bolup, melumatlargha qarighanda, amérikining mezkur ish béjirish orni bu hepte xitayda resimiy ish bashlaydiken.
Muxbirimiz jüme
2008.11.17
Share on WhatsApp
Share on WhatsApp

Birleshme agéntliqida körsitilishiche, amérika sehiye we yémek - ichmek süpet tekshürüsh organlirining xitayda bu xilidiki ishxanini tesis qilishidiki asasi sewebler üstide toxtalghan amérika sehiye we saghlamliq ministirliqi ministiri mayik liwit, buning amérika we xitay istimalchilirining menpe'etini qoghdash üchün ikenlikini bildürgen.

Amérika dora - dermek we yémek - ichmek bashqurush idarisining xitayda achidighan ish béjirish ornining birinchi ishxanisi, 19 - noyabir charshenbe küni béyjingda ish bashlaydighan bolup, ishxanining échilish murasimigha amérika sehiye we salametlik ministirliqi ministiri mayik liwit we bashqa munasiwetlik xadimlar qatnishidiken.

Melum bolushiche, amérika yémek - ichmek we dora - dermek bashqurush idarisi yene, xitayning shangxey we gu'angju sheherliride ikki tarmaq ishxana achidighan bolup, mezkur ishxanilargha 13 neper amérika xadimi ewetilidiken.

 Ötken yili xitayda ishlen'gen haywanatlar yémekliri amérikida nurghun ermek haywanlirining ölüshini keltürüp chiqarghandin kéyin,xitaydin kélidighan mehsulatlarning bolupmu yémekliklerning bixeterlik mesilisi dunya xaraktérlik agah bolush tuyghusi shekillendürgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.