Америкидики уйғурлар роза һейтни күтүвалди

Америка пайтәхти вашингтон шәһири әтрапида яшайдиған уйғур җамаити 9 - айниң 20 - күни пүтүн дуня мусулманлириниң қутлуқ роза һейт намизини түрк җамаити билән бирликтә оқуди.
Мухбиримиз үмидвар
2009-09-20
Share

Бу йилқи роза һейт намизи америкиниң һәр қайси җайлирида җүмлидин пайтәхт вашингтон әтрапидики мусулман җамаәтлириниң мәсчитлиридә өткүзүлгәндин башқа йәнә америка - түрк достлуқ җәмийити дәп аталған җәмийәтниң тәшкиллиши билән вашингтон шәһири йенидики шималий вирҗинийә шитатиниң фаирфакис шәһәрлик оттура мәктәпниң тәнтәрбийә залидиму уюштурулған болуп, намазға пайтәхт әтрапида яшайдиған түркләр вә аз сандики қазақлар һәм өзбекләрдин башқа йәнә көп сандики уйғурлар иштирак қилди.

Америка уйғурлири җәмийитиниң мунасивәтлик әрбаблириниң ейтишичә, бу америкидики уйғурларниң йеқинқи йиллардин буянқи тунҗи қетим әң көп адәм қатнишип, бирликтә һейт намизи оқуши болуп һесаблинидикән. Намаздин кейин, уйғурлар бир - бирини һейт билән қизғин тәбрикләшти шуниңдәк уйғур хәлқиниң миллий өрп - адәтлири бойичә җамаәт болуп уюшуп бир қисим аилиләргә пәтә оқуди.

Һейт намизиға қатнашқан кишиләрниң ейтишичә, 5 - вә 7 - июл қирғинчилиқлиридин кейин чәтәлләрдики, җүмлидин америкидики уйғурлар арисида техиму иттипақлишиш, бир - бирини қәдирләш, өз миллий вә дини кимликлирини күчәйтиш кәйпиятлири әвҗ елишқа башлиған. Америка - түрк достлуқ җәмийити рамизан мәзгилидә уйғурларға иптар берип, һал сориған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт