Bir amérikiliq xitaygha jasusluq qilish bilen eyiblinip qolgha élindi

Brayin nöwette xitayni amérikining dölet mudapi'esige a'it mexpiyetlikler we bir qisim süretler bilen teminlesh bilen eyiblenmekte. Emma amérika da'iriliri uning xitaydiki qaysi konsulxanida ishligenlikini ashkarilimidi.

Roytérsning xewer qilishiche, birayinning xitayda özi ishligen konsulxanining resimini tartishi amérika fédiral tekshürüsh idarisi fbi ning gumanini qozghighandin kéyin, u bir qanche qétim soraqqa tartilghan bolsimu, ispat yétersiz bolghanliqtin qoyuwétilgen.

Emma ilgirilep tekshürüsh netijiside uning xitaygha jasusluq qilghanliq gumanini quwwetlendürüp béridighan bezi ispatlar qolgha chüshürülgen bolup, bularning ichide uning xitayning bezi munasiwetlik xadimliri bilen jasusluq qilish teklipige qiziqidighanliqi heqqide yézishqan xetlirimu bar iken.

Bu yil 31 yashqa kirgen brayin andérwud shenbe küni los-anjélista qolgha élin'ghan, eger uning jinayiti békitilgen teqdirde, u muddetsiz qamaq jazasigha höküm qilinishi mumkin iken.