Amérikiliq siyasiyon sara palin shenbe küni hindistan-amérika munasiwetlirining kelgüsi dunya üchün muhim ehmiyetke ige ikenlikini körsetti

Hindistanda ziyarette boluwatqan amérikiliq siyasiyon sara palin shenbe küni, hindistan-amérika munasiwetlirining kelgüsi dunya üchün muhim ehmiyetke ige ikenlikini körsetti we xitayning herbiy hazirliqliridin guman qilidighanliqini ilgiri sürdi.
Muxbirimiz jüme
2011-03-19
Share

"Teywen waqit géziti" de xewer qilishiche, sara palin bu sözlerni yéngi déhlida chaqirilghan bir yighinda otturigha qoyghan.

U, amérika-hindistan munasiwetliri heqqide toxtilip mundaq dédi: biz bir-birimizge éhtiyajliqmiz. Bolupmu bu bashqa rayonlar barghanche kötürülüwatqan peytlerde téximu shundaq.

Sara palin démokratik döletlerning bashqa démokratik döletlerge urush achmaydighanliqini tekitlep: biz dunyada tinchliqni xalaymiz, dédi.

U, xitayning herbiy hazirliqlar kéngeymichiliki heqqide toxtilip: ularning herbiy hazirliqliri néme üchün? xitayning herbiy tereqqiyati peqetla özini qoghdash üchün dése ademning ishen'güsi kelmeydu. Dégen.

Xewerge qarighanda sara palining nutqi hindistan téléwiziyiside neq meydani xewer qilin'ghan.

Sara palni esli alyaska shtatining bashliqi bolup, 2008-yili jumhuriyetchi prézidént namzati jon mékkéyin bilen bille prézidéntliq saylimigha chüshken.

U hazir amérikidiki jumhuriyetchiler arisida nam chiqarghan siyasiyonlarning biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet