Б д т балилар фонди хитайни бовақлар сүт парашуки сәтчилики үстидин тәкшүрүш елип беришқа чақирди

Б д т ниң балилар фонди тәшкилати UNICER җүмә күни хитай даирилириниң меламин арилаштурулған сүт парашукини истимал қилиш сәвәбидин һазирға қәдәр 4 бовақниң өлүши, аз дегәндә 6000 бовақниң бөрәк кесили билән ағришиға сәвәбчи болған бовақлар сүт парашуки сәтчилики үстидин толуқ тәкшүрүш елип беришини тәләп қилди.
Мухбиримиз әркин
2008.09.19
Share on WhatsApp
Share on WhatsApp

 Б д т балилар фонди тәшкилатиниң сәһийә ишлири бөлүминиң мәсули петер салама " биз даириләрниң вәқә үстидин толуқ тәкшүрүш елип беришини тәләп қилимиз" дәп тәкитлигән.

Салама б д т балилар фонди тәшкилатиниң даим бовақларни дәсләпки 6 айда ана сүти билән беқишни тәшәббус қилидиғанлиқи, чүнки " бу озуқлинишниң әң бихәтәр йоли" икәнликини билдүргән. Лекин дуня сәһийә тәшкилати болса немә үчүн вәқәниң вақтида ашкариланмиғанлиқини сүрүштүрмәктә. Дуня сода тәшкилати елан қилған бу һәқтики баянатида хитай даирилирини немә үчүн вәқәниң ашкарилинишиға бирқанчә ай кәткәнликини чүшәндүрүшкә чақирған.

Хитай сүт мәһсулатлар санаитидики сәтчилик америка вә явропа әллириниң һушярлиқини қозғимақта. Америка билән явропа иттипақи җүмә күни хитай сүт мәһсулатлиридики бихәтәрлик мәсилиси үстидә сөһбәт өткүзгән шундақла явропа иттипақи хитай сүт мәһсулатлириниң явропа базириға киришини тәкшүрүшни күчәйтишни тәләп қилған. Лекин хитай сүт мәһсулатлар санаитидики сәтчиликниң көлими үзлүксиз кеңәймәктә.

Җүмә күни хитай дөләтлик сүпәт тәкшүрүш идариси меңню сүт мәһсулатлар гуруһи вә ички моңғулдики йили санаәт гуруһи ишләпчиқарған сүттә меламин байқалғанлиқини билдүргән. Хәвәрләрдә меламин арилаштурулған сүт парашукини истимал қилиш сәвәбидин өлгән 4 нәпәр бовақниң бириниң уйғур аптоном районида икәнлики, нөвәттә бимар балиларниң омуми саниниң 6200 гә йетидиғанлиқи илгири сүрүлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.