B d t balilar fondi xitayni bowaqlar süt parashuki setchiliki üstidin tekshürüsh élip bérishqa chaqirdi

B d t ning balilar fondi teshkilati UNICER jüme küni xitay da'irilirining mélamin arilashturulghan süt parashukini istimal qilish sewebidin hazirgha qeder 4 bowaqning ölüshi, az dégende 6000 bowaqning börek késili bilen aghrishigha sewebchi bolghan bowaqlar süt parashuki setchiliki üstidin toluq tekshürüsh élip bérishini telep qildi.
Muxbirimiz erkin
2008.09.19
Share on WhatsApp
Share on WhatsApp

 B d t balilar fondi teshkilatining sehiye ishliri bölümining mes'uli pétér salama " biz da'irilerning weqe üstidin toluq tekshürüsh élip bérishini telep qilimiz" dep tekitligen.

Salama b d t balilar fondi teshkilatining da'im bowaqlarni deslepki 6 ayda ana süti bilen béqishni teshebbus qilidighanliqi, chünki " bu ozuqlinishning eng bixeter yoli" ikenlikini bildürgen. Lékin dunya sehiye teshkilati bolsa néme üchün weqening waqtida ashkarilanmighanliqini sürüshtürmekte. Dunya soda teshkilati élan qilghan bu heqtiki bayanatida xitay da'irilirini néme üchün weqening ashkarilinishigha birqanche ay ketkenlikini chüshendürüshke chaqirghan.

Xitay süt mehsulatlar sana'itidiki setchilik amérika we yawropa ellirining hushyarliqini qozghimaqta. Amérika bilen yawropa ittipaqi jüme küni xitay süt mehsulatliridiki bixeterlik mesilisi üstide söhbet ötküzgen shundaqla yawropa ittipaqi xitay süt mehsulatlirining yawropa bazirigha kirishini tekshürüshni kücheytishni telep qilghan. Lékin xitay süt mehsulatlar sana'itidiki setchilikning kölimi üzlüksiz kéngeymekte.

Jüme küni xitay döletlik süpet tekshürüsh idarisi méngnyu süt mehsulatlar guruhi we ichki mongghuldiki yili sana'et guruhi ishlepchiqarghan sütte mélamin bayqalghanliqini bildürgen. Xewerlerde mélamin arilashturulghan süt parashukini istimal qilish sewebidin ölgen 4 neper bowaqning birining Uyghur aptonom rayonida ikenliki, nöwette bimar balilarning omumi sanining 6200 ge yétidighanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet