بېيجىڭدا يۈزبەرگەن قاتتىق يامغۇر ۋەقەسىدە 10 ئادەم ئۆلدى

21 - ئىيۇلدىن 22 - ئىيۇلغىچە بولغان كۈنلەردە خىتاي پايتەختى بېيجىڭدا قاتتىق يامغۇر يېغىش ھادىسىسى يۈزبېرىپ، ئاز دېگەندە 10 ئادەم ھاياتىدىن ئايرىلغان. بۇ 1951 - يىلىدىن بۇيان بېيجىڭدا يۈزبەرگەن بىر قېتىملىق ئەڭ چوڭ يامغۇر يېغىش ھادىسىسى ھېسابلىنىدىكەن. خىتاي مەتبۇئاتلىرىنىڭ ئاشكارىلىشىچە، بوران چاپقۇنلۇق يامغۇر نەتىجىسىدە بېيجىڭ شەھىرىدىكى كۆپلىگەن ئۆتۈشمە كۆۋرۈكلەرنىڭ ئاستىغا سۇ يىغىلىپ قېلىپ، قاتناشنى پۈتۈنلەي ئۈزۈپ تاشلىغان، شەھەردىكى كۆپلىگەن جايلار يامغۇر سۈيىنىڭ ئاستىدا قالغان. ھەتتا بەزى مېترو ئىستانسىلىرىمۇ سۇ ئاستىدا قالغان.
مۇخبىرىمىز ئۈمىدۋار
2012.07.22


بېيجىڭدىن ئۇچىدىغان كۆپلىگەن ئايروپىلانلار ئۇچۇش ۋاقتىنى كېچىكتۈرگەن ھەمدە 80 مىڭ ئادەم سەپەردىن قالغان. يامغۇر 22 - ئىيۇل كۈنى ئەتىگەن سائەت 8 لەردە توختىغان بولسىمۇ، ئەمما يەنە داۋاملىق يامغۇر ھادىسىسى بولۇشى مۇمكىنلىكى ئاگاھلاندۇرۇلغان.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.