Bérma qachaqliri yurtlirigha qaytishqa bashlidi

Bérmining kogang rayonidiki qoralliq toqunush bésiqqandin kéyin, xitaygha qéchip kelgen 30 mingdin artuq musapir yurtlirigha qaytishqa bashlighan. Xitay da'iriliri, bérma qachaqliri üchün qurghan musapirlar lagérini taqashqa kirishken.
Muxbirimiz jüme
2009-09-02
Share

Awstraliyan gézitide körsitilishiche, bérmidiki yurtlirigha qaytishqa bashlighan musapirlar yenila endishe ichide iken. Nyuyork waqit gézitide xewer qilinishiche, yene minglighan bérmiliq musapir yurtlirigha qaytishni ret qilghan yaki qaytip kétishke qurbi yetmeydiken. Halbuki, xitay hökümiti bu heqtiki xewerlirini qamal qilghan bolup, nöwette mezkur musapirlarning insaniy yardem muraji'itige qandaq inkas qayturghanliqi melum emes.

Ötken hepte bérmining xitay chégrisigha yéqin rayoni kogang rayonida hökümet armiyisi bilen yerlik qisimlar arisida urush partlighan. Netijide, urush parakendichilikidin qorqqan 37 ming musapir xitayning yünnen ölkisige qéchip kelgen idi.

Melum bolushiche, kogang rayoni nopusining 90 pirsentini yerlik xitaylar teshkil qilidiken. Bu nöwet kogang rayonidin qéchip kelgenler arisida mezkur rayonda soda qiliwatqan xitay puqralirimu bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet