5000 Din artuq erzdar, merkizi erziyet idarisining qorusigha toplandi

Xitay merkizi hökümiti xitay kompartiyisining 18-qurultiyining éniq künini téxi ashkarilimighan bolsimu, bu künni purset dep bilgen xitay erzdarlar xitayning herqaysi ölkiliridin béyjinggha qarap aqmaqta.
Muxbirimiz shöhret hoshur
2012.09.03

Radi'omiz xitayche bölümining xewer qilishiche, düshenbe küni, xitayning herqaysi ölkiliridin kelgen 5000 din artuq erzdar erzlirini tizimlitish üchün, merkizi erziyet idarisining qorusigha toplan'ghan. Bayan qilinishiche, bu san, normaldikige nisbeten nechche hesse artuq bolup, bügün yene oxshash meydanda, erzdarlarni yurtlirigha qayturup ekitish üchün kelgen 2000 gha yéqin wezipidarmu hazir bolghan.

Melum bolushiche, yene köp sandiki erzdarlar özlirini ekitish üchün kelgen wezipidarlardin özini qachurup hem 18-qurultayning échilishini kütüp, béyjingning herqaysi jayliridiki köwrük astilirida we bashqa bulung-puchqaqlirida mökünüp yürmekte.

18-Qurultay harpisida béyjingdiki Uyghur erzdarlargha qarita kontrolluq adettin tashqiri kücheytilgen bolup, 3 yildin béri xitay da'iriliri bilen qet'iy meydanda tirkiship kéliwatqan nurun'gül toxti, ghazi hamut we aygül toxti qatarliq gholluq erzdarlar yurtlirigha élip kétilgen. Bulardin nurun'gül toxti bilen aygül toxtining nöwette qamaqxanida ikenliki melum, emma ghazi hamutning aqiwiti hazirghiche melum emes.

Merkizi erziyet idarisining qorusidiki bügünki menziridin qarighanda, xitayning 18-qurultay mezgilide erzdarlar mesilisi xitay hökümitining xélila béshini aghritidighanliqidin bésharet körülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.