Җуңго банкиси ' шинҗаң биңтүәни' гә 30 милярд йүән қәрз бәрмәкчи

Хитайниң җуңго банкиси кәлгүси 3 йилда хитайниң уйғур елидики йерим қораллиқ йерим ишләпчиқириш билән шуғуллинидиған " шинҗаң биңтүәни" гә 30 милярд сом қәрз пул берип, биңтүәнниң йеза игилик тәрәққияти, йеза - кәнт қурулуши вә биңтүән деһқанлириға ярдәмдә болидиғанлиқини җакарлиған.
Мухбиримиз әркин
2008-12-26
Share

Қәрз билән тәминләш тохтими 25 ‏ - декабир күни үрүмчидә имзаланған болуп, тохтамнамидә йәнә җуңго банкиси " биңтүән" гә пул - муамилә, мәбләғ, суғурта ишлириға мунасивәтлик түрлүк мулазимәт хизмити елип беришни үстигә алған. Бу чәтәлниң "биңтүән" гә салидиған мәблиғи, чәтәлләр билән болған һәмкарлиқтики пул - муамилә мулазимитини бир тәрәп қилиш қатарлиқларни өз ичигә алидикән.

Хитай һөкүмити 11 ‏ - сентәбир вәқәсидин кейин "биңтүән" ниң тәрәққияти вә һоқуқи даирисини кеңәйтишкә башлиған болуп, хитай баш министири вен җябав 2006 ‏ - йили уйғур елидә елип барған зияритидә " биңтүән шинҗаңниң муқимлиқини сақлайдиған қорған," дәп җакарлиған иди. Лекин "биңтүән" ниң мәвҗутлуқиниң қануни асаси йәрлик хәлқләрдә үзлүксиз талаш тартиш темиси болуп кәлди.

Чәтәлдики уйғур тәшкилатлар болса " биңтүән"ни бир мустәмликә оргини, дәп қаримақта шундақла чәтәлликләрниң "биңтүән"гә мәбләғ селишиға қарши турмақта. 1996‏ - Йили уйғур паалийәтчилири америка дөләт мәҗлисидә гуваһлиқтин өтүп, дуня банкисиниң "биңтүән"ни қәрз пул билән тәминлигәнликигә қарши чиққан.

" Биңтүән" билән җуңго банкиси имзалиған тохтамнамидә йәнә мәзкур банкиниң биңтүәндики йеза игилик, асаси әслиһәләр, йеңи санаәт түрлиригә мунасивәтлик 3‏ - игиликниң тәрәққиятиға ярдәмдә болидиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт