Junggo bankisi ' shinjang bingtüeni' ge 30 milyard yüen qerz bermekchi

Xitayning junggo bankisi kelgüsi 3 yilda xitayning Uyghur élidiki yérim qoralliq yérim ishlepchiqirish bilen shughullinidighan " shinjang bingtüeni" ge 30 milyard som qerz pul bérip, bingtüenning yéza igilik tereqqiyati, yéza - kent qurulushi we bingtüen déhqanlirigha yardemde bolidighanliqini jakarlighan.
Muxbirimiz erkin
2008-12-26
Share

Qerz bilen teminlesh toxtimi 25 ‏ - dékabir küni ürümchide imzalan'ghan bolup, toxtamnamide yene junggo bankisi " bingtüen" ge pul - mu'amile, meblegh, sughurta ishlirigha munasiwetlik türlük mulazimet xizmiti élip bérishni üstige alghan. Bu chet'elning "bingtüen" ge salidighan meblighi, chet'eller bilen bolghan hemkarliqtiki pul - mu'amile mulazimitini bir terep qilish qatarliqlarni öz ichige alidiken.

Xitay hökümiti 11 ‏ - séntebir weqesidin kéyin "bingtüen" ning tereqqiyati we hoquqi da'irisini kéngeytishke bashlighan bolup, xitay bash ministiri wén jyabaw 2006 ‏ - yili Uyghur élide élip barghan ziyaritide " bingtüen shinjangning muqimliqini saqlaydighan qorghan," dep jakarlighan idi. Lékin "bingtüen" ning mewjutluqining qanuni asasi yerlik xelqlerde üzlüksiz talash tartish témisi bolup keldi.

Chet'eldiki Uyghur teshkilatlar bolsa " bingtüen"ni bir mustemlike orgini, dep qarimaqta shundaqla chet'elliklerning "bingtüen"ge meblegh sélishigha qarshi turmaqta. 1996‏ - Yili Uyghur pa'aliyetchiliri amérika dölet mejliside guwahliqtin ötüp, dunya bankisining "bingtüen"ni qerz pul bilen teminligenlikige qarshi chiqqan.

" Bingtüen" bilen junggo bankisi imzalighan toxtamnamide yene mezkur bankining bingtüendiki yéza igilik, asasi esliheler, yéngi sana'et türlirige munasiwetlik 3‏ - igilikning tereqqiyatigha yardemde bolidighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet