Xitay bir perzentlik bolush tüzümini boshashturidighanliqini inkar qildi

Bügün xitay nopus we pilanliq tughut komitéti teshwiqat we ma'arip mehkimisi bashliqi jang jyen xitay kündilik gézitide bayanat élan qilip, xitayning pilanliq tughut siyasitige tüzitish kirgüzüp, ikki perzent élishqa yol qoyidighanliqini ret qildi.
Muxbirimiz gülchéhre
2012-11-30
Élxet
Pikir
Share
Print

Buning aldida xitay we chet'eldiki bir qisim axbaratlar xitay nopus we pilanliq tughut komitéti sabiq bashliqi jang wéychingning "Junggo bir perzentlik bolush siyasitige özgertish kirgüzüsh aldida" dégenlirini neqil élip xewer qilghan idi. Bügün b b s xewer agéntliqining tarqitishiche, jang jyen bu bayanlarni pütünley inkar qilip "Junggo pilanliq tughut siyasitige muwapiq tüzitish kirgüzüsh tetqiqatlirini élip bériwatqan bolsimu, bu heqte héchqandaq qarar élinmidi, jang wéichingning qandaq meydanda turup bu sözlerni qilghanliqi éniq emes. Uning bundaq yéniklik bilen otturigha qoyghan köz qarishining héchqandaq xewer qimmiti yoq" dégen.

28-Noyabir bir qisim axbaratlarda jang wéychingning xitayda tüzitish kirgüzülgen yéngi pilanliq tughut siyasiti boyiche, melum shertlerni hazirlighan er-xotunning ikki perzentlik bolushigha yol qoyush aldida turuwatqanliqi heqqidiki bayanliri xewer qilin'ghan idi. Jang 2003-yili xitay nopus we pilanliq tughut komitéti mudiri bolghan. 2007-Yili yene qoshumche komitét partkom sékrétarliq wezipisini ötigen. 2008-Yilidin bashlap u xitay siyasiy kéngesh nopus, bayliq we muhit komitétining mudiri.

Toluq bet