B d t bixeterlik kéngishi koriye yérim arili mesilisi heqqide jiddiy yighin achti

Yekshenbe küni birleshken döletler teshkilatining bixeterlik kéngishi jiddiy yighin chaqirip, koriye yérim arili krizisini muzakire qildi.
Muxbirimiz ümidwar
2010-12-19
Share
Rusiyining xewerler agéntliqining yézishiche, b d t bixeterlik kéngishining jiddiy yighini rusiye terepning teshebbusi boyiche échilghan bolup,  yighinda ikki koriyining özlirini tutuwélishi chaqirildi.
 
Buningdiki seweb, aldinqi küni jenubiy koriye  herbiy da'irilirining shimaliy koriyining zembirek hujumigha uchrighan yonpxéndo arilida herbiy manéwir ötküzüsh pilanini élan qilishi  bolup, jenubiy koriye agahlandurushlargha qarimay, düshenbe yaki seyshenbe künliri eger hawa kilimati yar bersila herbiy manéwirni bashlaydighanliqini jakarlighan.
 
Jenubiy koriyining mezkur aralda herbiy manéwir ötküzüsh pilani shimaliy koriye terepning jiddiy agahlandurushigha duch kelgen bolup, b b s agéntliqining xewer qilishiche, shimaliy koriye terep eger jenubiy koriye herbiy manéwir ötküzse, özlirining " qayturma zerbe bérishi" mumkinlikini, qayturma zerbe bérishning küchi we da'irisi  aldinqi qétimliq mezkur aralgha zembirek étishtin éship kétidighanliqidin bésharet bergen. Emma, jenubiy koriye qet'iy chékinmeydighanliqini bildürgen.
 
Mezkur herbiy manéwirning ikki koriye arisida urush weziyiti yaritishidin ensirigen  b d t bixeterlik kéngishi jiddiy yighin chaqirip, pyongyang bilen sé'ulni özlirini tutuwélishqa chaqirghan.

Buningdin ilgiri rusiye hökümiti jenubiy koriyini mezkur aralda herbiy manéwir qilmasliqqa chaqirghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet