Бо шиләйниң хәлқ қурултийи вәкиллик салаһийити елип ташланди
2012.10.26
Бо шиләй буниңдин бурун сиясий бюро әзалиқидин қалдурулған болсиму, бирақ бу қетим қурултай вәкилликидин қалдурулуп, кәчүрүм қилиниш һоқуқидин пүтүнләй мәһрум қилинған. Хитай шинхуа ахбарат агентлиқиниң хәвәр қилишичә, хитай хәлқ қурултийи даимий комитети җүмә күни бо шиләйниң вәкиллик салаһийити елип ташланғанлиқини елан қилған.
Хитай хәлқ қурултийи компартийиниң сияситини иҗра қилидиған қорчақ орган болсиму, бирақ хитай қануни бойичә хәлқ қурултийи әзалириниң җинайи ишлар җавабкарлиқиға тартилиштин хали қилинип, кәчүрүм қилиниш һоқуқиға игә.
Хитай даирилири өткән айниң ахирлири бо шиләйниң һоқуқидин елип ташлинип, партийидин қоғлап чиқирилғанлиқи вә униң тәптиш органлириниң бир тәрәп қилишиға тапшуруп берилидиғанлиқини елан қилған.
Анализчиларниң илгири сүрүшичә, униң хәлқ қурултийи вәкилликидин қалдурулуши, компартийә даирилириниң уни тез бир тәрәп қилиш қарариға кәлгәнликидин дерәк беридикән. Бирақ униң, 8-ноябир чақирилидиған компартийә 18-қурултийидин бурун яки кейин сотлинидиғанлиқи ениқ әмәс.
Көп көрүлгән хәвәрләр
RFA
- Америка-хитай истратегийәлик риқабәт пәвқуладдә комитетиниң әзалири оттуриға қойған тәклипләр уйғурларға үмид бәрди
- Турпандики бир сақчи хадими: топлишип иптар қилғанлар бирқанчә йиллиқтин кесилиду
- Мәҗбурий әмгәкниң дәлиллирини издәп уйғур дияриға барған герман мухбирлири нәтиҗисиз қайтқан
- Америка дөләт мәҗлиси: “уйғур қирғинчилиқи дуняни ойғитиши лазим!”
- Авакри шәмси оттура асиядин чиққан тунҗи уйғур рәссами болған