چېگراسىز مۇخبىرلار تەشكىلاتى خىتاينىڭ ئاخبارات ئەركىنلىك ئەھۋالىدا ئىلگىرىلەش بولمىغانلىقىنى بىلدۈردى

چېگراسىز مۇخبىرلار تەشكىلاتى چارشەنبە كۈنى 2012‏-يىللىق دوكلات ئېلان قىلىپ، بۇ يىل مۇخبىرلارنىڭ خىزمەت سەۋەبلىك ئۆلۈش ئەھۋالى 33 % ئارتقانلىقى، بىراق قولغا ئېلىنغان مۇخبىرلار سانى 16 ئازايغانلىقىنى بىلدۈردى.
مۇخبىرىمىز ئەركىن
2012.12.19

دوكلاتتا ئىلگىرى سۈرۈشىچە، بۇ يىل خىتاينىڭ ئاخبارات ئەركىنلىك ئەھۋالىدا ھېچقانداق ئىلگىرىلەش بولمىغان.

دوكلاتتا، خىتاي دائىرىلىرىنىڭ 30 نەپەر مۇخبىر ۋە 69 نەپەر تورداشنى تۈرمىدە تۇتۇپ تۇرۇۋاتقانلىقى ئەسكەرتىلىپ، تۈرمىدىكى مۇخبىر ۋە تورداشلارنىڭ سانى ئىزچىللىقنى ساقلاپ كېلىۋاتقانلىقى، ئۇلارنىڭ مۇتلەق كۆپ قىسمى ئاغدۇرمىچىلىق، دۆلەت مەخپىيەتلىكىنى ئاشكارىلاش دېگەندەك جىنايەتلەر بىلەن ئەيىبلىنىپ، ئۇزۇن مۇددەتلىك قاماق جازاسىغا ھۆكۈم قىلىنغانلىقىنى بىلدۈرگەن.

چېگراسىز مۇخبىرلار تەشكىلاتى ئىلگىرى خىتاي دائىرىلىرىنىڭ مەخبۇبە ئابلەش، مەمەتجان ئابدۇللا، غەيرەت نىياز قاتارلىق ئۇيغۇر ژۇرنالىستلارنى ئۇزۇن مۇددەتلىك قاماق جازاسىغا ھۆكۈم قىلغانلىقىنى تەنقىد قىلىپ، ئۇلارنى قويۇپ بېرىشنى تەلەپ قىلغان. بىراق خىتاي ھۆكۈمىتى ئۇلارنىڭ چاقىرىقىنى ئىزچىل رەت قىلىپ كەلگەن ئىدى.

دوكلاتتا ئىلگىرى سۈرۈلۈشىچە، بۇ يىل خىتاي سىياسىي ساقچىلىرى ھەرىكىتىنى نۇقتىلىق سۆز ئەركىنلىك پائالىيەتچىلىرىنىڭ ۋە مىكرو بلوگ ئاكتىپلىرىنىڭ پائالىيىتىنى تەقىب قىلىشقا قاراتقان.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.