Hoquq pa'aliyetchisi amérikini kishilik hoquq mesiliside xitaygha bésimi ishlitishke chaqirdi
2013.01.30
Chén gu'angchéng bu sözlerni seyshenbe küni amérika dölet mejlisi “Tom lentos kishilik hoquq mukapati” ni tapshuruwélish murasimida qildi. 2012-Yilliq “Tom lentos kishilik hoquq mukapati” chén gu'angchénggha bérilgen.
Mezkur mukapat 2008-yili wapat bolghan amérika dölet mejlis ezasi tom lentosning namigha tesis qilin'ghan.
Uyghur kishilik hoquq herikiti we d u q re'isi rabiye qadirni izchil küchlük qollap kelgen tom lentos, natsistlar gérmaniysining yehudiy qirghinchiliqidin qutulup qalghan birdin-bir amérika dölet mejlis ezasi.
Murasimda chén gu'angchéng: men herbir kishining jümlidin erzdarlar, kishilik hoquq xadimliri, ammiwi guruhlar, hökümetlerning birliship, bolupmu amérika hökümitining kishilik hoquq mesiliside ilgirilesh hasil qilishqa türtke bolushini semimiy ümid qilimen, dédi.
Chén gu'angchéng bultur béyjingdiki amérika elchixanisigha qéchip kiriwélip, xitayni intayin osal ehwalgha chüshürüp qoyghan. Xitay hökümiti amérika bilen sözliship, uning amérikigha chiqip kétishige yol qoyushqa mejbur bolghan idi.