“чәткә қеқилип яшаш-хитайниң уйғур мәһәллирини чеқиши” намлиқ доклат хитайчиға тәрҗимә қилинди
2012.11.22
Чаршәнбә күни доклатниң хитайчә нусхиси уйғур биз ториға қоюлди.
89 Бәттин тәркиб тапқан бу доклат бу йил 4-айда елан қилинғандин кейин бир қисим хәлқара мәтбуатларниң диққитини қозғиған вә доклат һәққидә мәхсус хәвәрләр елан қилинған иди. Түрлүк мәнбәләр асасида тәйярланған доклатта, хитай һөкүмитиниң уйғур мәһәллилирини чеқиш арқилиқ уйғурларниң мәдәнийәт қурулмисини йоқитиватқанлиқи илмий пакитлар арқилиқ оттуриға қоюлған.
Хитай даирилири қәшқәр қәдими шәһәр районини чеқиш-түзләш хизмитини “заманивилаштуруш қурулуши” ниң тәркиби қисми, шундақла уйғурларға “йәр тәврәшкә чидамлиқ өй селип бериш” қурулуши намлири астида елип барған иди. Әмма мәзкур доклат хитай һөкүмитиниң юқиридики тәшвиқатлирини қәтий рәт қилип, буниңға хитай һөкүмитиниң уйғур миллий кимликини суслаштуруштин ибарәт сиясий пиланиниң йошурунғанлиқини илгири сүриду.
Уйғур кишилик һоқуқ программиси доклатида ахирида хәлқарадики кишилик һоқуққа көңүл бөлидиған һөкүмәт вә органларға чақириқ қилип, уларға уйғур елиниң мәркизи үрүмчидә консулхана ечип, районниң кишилик һоқуқ вәзийитини йеқиндин көзитиш, һәрқайси дөләтләр парламентлирида хитай һөкүмитини қаттиқ тәнқид қилидиған күчлүк қарар мақуллап чиқишқа охшаш пикир-тәклипләрму берилгән.
Көп көрүлгән хәвәрләр
RFA
- Шиветсарийә пайтәхти бернда уйғур ана тил мәктипи ечилди
- Б д т ниң ню-йорктики баш шитаби алдида хитай һөкүмитигә қарши намайиш елип берилди
- Голландийәниң куләмборг шәһиридә уйғур ирқий қирғинчилиқи тоғрисида сөһбәт елип берилған
- Раһилә давутниң өмүрлүк қамақ җазасиға мәһкум қилиниши күчлүк наразилиқ қозғиди
- Келәчәк партийәси муавин рәиси үмит ярдимчи: “пирезидент әрдоғанниң б д т дә уйғурларни тилға елиши яхши иш, лекин йетәрлик әмәс”