Xitay da'iriliri chong qurghaqchiliqqa teyyar turushni tekitlimekte

Xewerde éytilishiche, bughday chiqidighan shendung qatarliq rayonlarda, uningdin bashqa yene xitayning shimal we sherq tereptiki rayonlirida qurghaqchiliq dawamlishiwatidula emes, belki barghanséri éghirlishiwatidu.

Tünügün b d t ning yémek agéntliqi xitaygha agahlandurush chiqirip, dunyadiki eng chong bughday ishlepchiqarghuchilarning biri bolghan xitayda, bir aydin buyan qurghaqchiliq barghanséri éghirlawatidu, buning bésimida, xitayda yémek bahasi mushu bir ay ichidila 8% örlep ketti, xelq'ara yémek bahasigha sélishturghanda, xitayda hazirqi yémek bahasi 11‏-aydikidin 35% yuqiri, dep körsetken idi.

“Nyu-york taymis” gézitining bayan qilishiche, xitay gerche dunya boyiche eng köp ashliq ishlepchiqiridighan döletlerning biri bolsimu, emma yémek mesilide xitayning dunya bilen munasiwiti yoq.

Xitay 2010‏-yilida xelq'ara bazardin ashliq import qilmidi yaki xelq'aragha ashliq éksport qilmidi. Shunisi éniqki, eger xitay xelq'aradin yémek sétiwélishqa mejbur bolup qalsa, u chaghda pütün dunyaning ashliq bahasida zor dawalghush bolidighanliqi éniq.