Tibet rohaniy dahiysi dalay lama charshenbe küni washin'gton'gha yétip kélip, diniy pa'aliyitini bashliwetti

Tibet rohaniy dahiysi dalay lama washin'gtonda diniy pa'aliyetlerde bolush üchün seyshenbe küni amérika paytextige yétip keldi.
Muxbirimiz erkin
2011-07-06
Share

Uning seyshenbe kündin bashlap 11 kün washin'gtonda qalidighanliqi we bu jeryanda diniy murasim we tibet buddizimi heqqide diniy tebligh sözleydighanliqi bildürüldi. U charshenbe özining 76 yashqa kirgen tughulghan künini washin'gtonda kütüwaldi. U özining tunji diniy teblighini washin'gtondiki werizon merkizide sözleydiken.

Dalay lama kéler düshenbe küni erkin asiya radi'osini ziyaret qilip, bu yerde nutuq sözleydu. Bu dalay lamaning bu yil tibet sergerdan hökümitining siyasiy rehberlik hoquqini ötküzüp bergendin buyan tunji qétim washin'gtonni ziyaret qilishi we mezkur sheherde eng uzun waqit turup qélishi bolup hésablinidu.

Xewerlerdin melum bolushiche, dalay lama bu jeryanda yene amérika dölet mejlis ezaliri bilen körüshidu. Lékin prézidént obamaning uni qobul qilidighan-qilmaydighanliqi hazirgha qeder aqsaray teripidin élan qilinmidi.

Közetküchiler, prézidént obama dalay lama bilen körüshse, bu xitayning ghezipini qozghaydighanliqini ilgiri sürmekte. Lékin amérika awam palatasining jumhuriyetchi re'isi jon béynir we awam palatasining démokratik az sanliq rehbiri nensi pelusining uning bilen peyshenbe küni körüshidighanliqi bildürüldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet