Dalay lama rusiyide ikki hepte ziyarette bolmaqchi

Rusiye fédératsiyisi ge tewe qalmaqiye jumhuriyitining sabiq prézidénti, hazirqi xelq'ara shaxmatchilar jemiyitining re'isi kirsan ilimjinof, tibet rohaniy dahiysi dalay lamaning rusiyede ikki hepte ziyarette bolidighanliqi we özlirining darimsalani ziyaret qilip, dalay lama bilen körüshkenlikini ashkarilighan.
Muxbirimiz ümidwar
2012.05.13

Amérika awazining xewer qilishiche, kirsan ilimjinof, dalay lamaning rusyidiki buddizmi jumhuriyetliridin qalmaqiye we buriyatiye jumhuriyetlirini ziyaret qilip, u yerlerdiki lama buddistliri bilen körishidighanliqi shuningdek yene moskwa we sanktpétérburg sheherliridimu ziyarette bolush pilani barliqini bildürgen.

Biraq, sabiq qalmaq prézidénti hazirghiche rusiye hökümitining dalay lamagha wiza bérishni qarar qilghan yaki qilmighanliqini éniq emeslikini eskertken.

Sabiq qalmaq prézidénti yene rusiyidiki buddistlarni öz ichige alghan jama'etning dalay lamagha wiza bérishni telep qiliwatqanliqi, hetta bu mesilide yéqinda moskwada namayish qilinidighanliqi, 2004 - yili rusiye dalay lamagha wiza bérip, uning qalmaqiyini ziyaret qilishigha ruxset qilghan bolsimu, emma moskwani ziyaret qilishigha yol qoymighanliqini esletken. Shu qétimqi ziyarettin kéyin, qalmaqiye öz paytexti elistada zor kölemde bir lama ibadetxanisi yasashqa kiriship, uni püttürgen, nöwette ular dalay lamaning bu ibadetxanining yopuqini échishni kütmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.