Dalay lama rabiye qadir xanim bilen oxshash bir mezgilde yaponiyini ziyaret qildi

Dalay lama yaponiyige yétip kelgen shu küni rabiye qadir xanim yaponiye chet'ellik alahide xadimlar jem'iyitide nutuq sözlep, xelq'ara jem'iyetni Uyghur aptonom rayonigha tekshürüsh ömiki ewetishke yene bir qétim chaqirdi.

U muxbirlarni kütüwélish yighini ötküzüp, xitay da'irilirining "5 ‏- iyul weqesi"diki herikitini shiddetlik tenqidlidi. Rabiye qadir mundaq deydu": bu yil 7 ‏- ayda yüz bergen ürümchidiki weqe esli tinch bir namayish idi. Lékin xitay hökümiti namayishni zorawanliq herikitige aylandurdi."

U xitay da'irilirini Uyghurlarning kishilik hoquq mesilisi üstide söhbet ötküzüshke chaqirip, "biz junggo hökümiti bilen olturup, öpkimizni bésiwalghan halda sözlishishni ümid qilimiz," dep körsetti.

Rabiye qadirning ziyariti axirlishay dep qalghan künlerde dalay lamaning ziyariti bashlandi. U, yaponiyidiki bir budda jem'iyitining teklipige bina'en 13 künlük ziyarette bolidu. Xewerlerge qarighanda, dalay lama ete yaponiye chet'ellik alahide xadimlar jem'iyitide nutuq sözleydiken. Uning yaponiyidiki mezgilide rabiye qadir xanim bilen uchrishidighan yaki uchrashmaydighanliqi melum emes.