Qudretlik ilah xristi'an teshkilatining ikki ezasi qaramayda qolgha élin'ghan

Xitay da'iriliri xitaydiki "Qudretlik ilah" xristi'an teshkilati ezalirigha qaratqan tutqun qilish herikitining da'irisini kéngeytti. Bügün xitay axbarat wasitiliri hazirghiche bu teshkilatqa ezaliridin 1000 kishining qolgha élin'ghanliqini élan qildi.
Muxbirimiz irade
2012-12-20
Share

Igilinishiche, bu kishiler 12-ayning 21-küni axirqi zaman bolidighanliqini ilgiri sürüp, kishilerni din'gha ishinishke, barliq nachar ishlardin qol üzüshke chaqirghan we shundaq qilghandila aman-ésen qalidighanliqini éytqan. Xitay da'iriliri bu teriqet ezalirining pitne-pasat tarqitip, jem'iyet amanliqini buzush we axirqi zaman sepsetisi bilen kishilerni aldam xaltisigha chüshürüsh bilen eyiblimekte. Emma bügün b b s élan qilghan xewerlerdin qarighanda, bu kishilerning namayishlirida hem shundaqla tarqatqan teshwiq wereqiliride kommunizmgha qarshi turush, parixor emeldarlargha qarshi turushqa oxshash chaqiriqlarningmu yer alghanliqi melum bolmaqta.

Bügün yene xitay xewerler torining xewer qilishiche, charshenbe küni axsham Uyghur élining qaramay shehiridimu mezkur xristi'an teshkilatining ikki ezasi qolgha élin'ghan. Igilinishiche, qaramayda bu yil ichide qudretlik ilah teshkilati ezasi bolghan jem'iy 10 kishi qolgha élin'ghan bolup, ularning biri üstidin délo turghuzulghan, 3 si tutup turulghan we 6 kishi terbiyilesh kursigha ewetilgen.

Xitay da'iriliri bu xristi'an teshkilati heqqide ochuq we tepsiliy melumat bermisimu, emma bu teshkilatning 1990-yillarda aldi bilen xénen ölkiside qurulghanliqi we nahayiti keng yiltiz tartqanliqi bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet