D u q Uyghur aptonom rayonluq 11-nöwetlik siyasiy meslihet kéngishining wekiller tizimlikini tenqid qildi

Lékin d u q yighinning wekiller tizimlikini tenqid qilip, Uyghur wekillirini gerche xelq saylimighan bolsimu, biraq yighinda wijdani, imani we exlaqini ishqa sélip bir qétim bolsimu rast gep qilishqa, Uyghurlarning siyasiy, iqtisadiy menpe'etini qoghdashqa chaqirdi.

Yighin'gha aptonom rayonluq partkomning da'imiy ezasi nurlan abdumenjin riyasetchilik qilghan. Siyasiy kéngeshning re'isi esqet kérimbay xizmet doklati bergen.

Bu qétimliq siyasiy kéngesh yighinining wekiller tizimliki Uyghurlarning tenqidige uchrighan idi.

“Uyghurbiz” torining xewer qilishiche, aptonom rayonning az dégende 45 % nopusini igileydighan Uyghurlar 530 nechche kishilik siyasiy kéngesh wekillirining aran 28 % ni, xitaylar 51 % ni teshkil qilghan.

D u q bayanatchisi dilshat rishit jüme küni radi'omiz arqiliq élan qilghan bayanatida eskertip: bu ehwal xitay da'irilirining Uyghurlarni aptonom rayonining siyasiy, iqtisadiy sahesidin ilgirilep siqip chiqiriwatqanliqini körsitidu, dep tekitlidi.

Uning ilgiri sürüshiche, wekiller nisbitidiki bu xil tengsizlik xitayning asasiy qanuni we aptonomiye qanunida Uyghurlargha bérilgen hoquqqa buzghunchiliq qilip, Uyghur aptonom rayonini tedrijiy emeldin qaldurushning asasi séliniwatqanliqidin dérek béridu. U, Uyghur xelqini, bolupmu Uyghur ziyaliylirini we Uyghur wekillirini buningdin agah bolushqa chaqirdi.

Bu qétimqi yighinda siyasiy kéngeshning yéngi rehberliki saylam chiqilidu.