تونۇلغان مۇزىكانت ئەبەيدۇللا تۇردى ۋاپات بولدى

ئۇيغۇر ئېلىدا تونۇلغان پېشقەدەم كومپوزىتور، ئوپېرا ئۆمىكىنىڭ ئىجادىيەتچىسى ئەبەيدۇللا تۇردى 3 - يانۋار كۈنى ئۈرۈمچىدە 68 يېشىدا ۋاپات بولغان.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2009-01-04
Share

ئىگىلىنىشلەرگە ئاساسلانغاندا، ئەبەيدۇللا تۇردىنىڭ ۋاپاتى ئۇيغۇر مۇزىكا سەنئىتى ساھەسىدىكى بىر يوقىتىش دەپ قارالغان بولۇپ، مەرھۇم 1965 - يىلىدىن تارتىپ، تاكى ھازىرغىچە بىر ئۆمۈر تىياتىرچىلىق ۋە مۇزىكا ئىجادىيىتى بىلەن شۇغۇللىنىپ، كۆپلىگەن ناخشا - مۇزىكىلارنى ئىجاد قىلغان ھەمدە ۋايىغا يەتكۈزۈپ ئورۇنداپ، خەلقنىڭ ھۆرمىتىگە ئېرىشكەن.

ئەبەيدۇللا تۇردىنىڭ تىرىشچانلىقى ۋە ئەمگىكى بىلەن ئۇيغۇر ئوپېرا، دراما ھەم كىنو تارىخىدىكى بىر قىسىم مۇھىم ئەسەرلەرنىڭ مۇزىكىلىرى ئىشلەنگەن، ئۇنىڭ "سالام سىزگە مۇئەللىم"، "بىر ئۆمۈر يارىڭ بولاي"، "ئانا ۋەتەن" قاتارلىق بىر تۈركۈم ناخشا - مۇزىكا ئىجادىيەتلىرى خەلق ئىچىگە كەڭ تارقالغان ئىدى.

ئەبەيدۇللا تۇردى 1941 - يىلى غۇلجىدا تۇغۇلغان بولۇپ، بېيجىڭدىكى مەركىزىي تىياتىر ئىنستىتۇتىنى تۇنجى قېتىم پۈتتۈرگەن، كەسپىي خادىملاردىن بىرى ئىدى.

ھەر قانداق بىر مىللەت ئۆزىنىڭ سىياسىي، مەدەنىيەت ۋە ئىقتىسادىي تەرەققىياتى ھەم گۈللىنىشىگە ھەسسە قوشقان پەرزەنتلىرىنى ھۆرمەتلەيدۇ. ئۇيغۇرلارمۇ ئۆزلىرىنىڭ ئەنە شۇنداق پەرزەنتلىرىنى قەدىرلەيدۇ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت