Хитай далай лама мәсилисидә әнглийидин өч елишни давамлаштурмақта

Хитай ташқи ишлар министирлиқиниң баянатчиси лю веймин бүгүн әнглийини икки дөләт мунасивитигә соғуқчилиқ селиш билән әйибләп: әнглийә хитайниң шунчә наразилиқиға қаримай, далай ламани қобул қилди. Икки дөләт мунасивитиниң бузулушиға пүтүнләй әнглийә мәсул, деди.
Мухбиримиз ирадә
2012.06.14

Әнглийә баш министири давид камерун бу йил 5-айда далай лама билән учришип, демократик әлләр вә кишилик һоқуқ органлириниң алқишиға сазавәр болған. Әмма вәқәдин қаттиқ нарази болған хитай даирилири хитай хәлқ қурултийиниң башлиқи ву баңгониң 5- айниң ахирида әнглийигә қилмақчи болған зияритини бикар қилған иди.

“телеграф” гезитиниң ейтишичә, хитай даирилири йәнә бу һәптиниң бешида хитайда зиярәттә болған әнглийә сода министири лорд гринниң бәзи хитай әмәлдарлар билән алдин бекитилип болған учришишлириниму әмәлдин қалдурған.

Мухбирлар бүгүн хитай ташқи ишлар министирлиқидин буниң сәвәбини сориғанда: буниң сәвәбини биздин әмәс, әнглийидин соришиңлар керәк, дәп җаваб бәргән.

“зор вәқәләр” ториниң хәвәр қилишичә, далай лама мушу һәптә йәнә әнглийидики бир қанчә муһим шәһәрләрдә он күн зиярәт қилидиған болуп, хитай һазир бу зиярәткә әнглийә даирилириниң қандақ позитсийидә болидиғанлиқиға диққәт қилмақта икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.