Shinjang géziti jéjyang ölkisining aqsu wilayitige eqliy jehettin yardem bergenlikini xewer qildi

Bügün shinjang gézitide jéjyang ölkisining “Eqliy yardimi” aqsugha küchlük medet boldi mawzuluq tepsiliy xewer bérildi.
Muxbirimiz shöhret hoshur
2011.08.26

Xewerde Uyghur rayonigha atalmish yardem bérish dolquni qozghalghandin buyan, jéjyang ölkisining aqsu wilayitige qilghan yardemliri sanliq melumatlar bilen bayan qilin'ghan. Emma xewerning tepsilatidin bekrek xewerning mawzusi muhajirettiki Uyghur közetküchilerning diqqitini tartti.

Uyghur közetküchilerning bayan qilishiche, adette dunyada eqliy yardem atalghusi zéhniy ajizlargha yaki gödeklerge bérilgen yardemlerge qaritip atilidu.

Bu yerde gézitning bir diqqetsizlik qilghanliqi we yaki xitay hökümitining milliy kemsitish siyasitini yalingach halda otturigha qoyup, rayon'gha bérilgen pen téxnika jehettiki yardemni eqliy yardem dep atighanliqi éniq emes.

Shinjang gézitining xewiride “Eqliy yardem” atalghusi qosh tirnaq ichide bérilgen. Buningdin qarighanda, mezkur atalghuning xitay da'irilirining höjjetliridin neqil élin'ghanliqi körülmekte. Eqliy jehettiki kemsitish haqaret xaraktéri eng éghir bolghan kemsitish türliridin bolup, bu dunyada köp qétimlap ijtima'iy toqunush we qanliq qirghinchiliqlargha seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.