Әсәд қозғилаңчиларни қаттиқ әйиблиди

Сүрийә президенти бешир әсәд йәкшәнбә күни пүтүн мәмликәткә нутуқ сөзләп, өктичи күчләрни қаттиқ әйиблиди.
Мухбиримиз үмидвар
2013.01.06


Ройтерс агентлиқиниң йезишичә, әсәд сөзидә қозғилаңчиларни “ сүйиқәстчиләр вә террористлар” дәп атиған болуп, уларни 2011 - йилидин буян давамлишиватқан тоқунушларниң сәвәбкари дәп чүшәндүргән.

Әсәд сөзидә йәнә өктичи күчләрни “ғәрбниң қорчақлири” дәп аташ билән биргә өзиниң һәргизму улар билән сөһбәт өткүзмәйдиғанлиқини әскәрткән.

Бирләшкән дөләтләр тәшкилатиниң мунасивәтлик органлириниң һесаблишичә, икки йилға йеқин созулған тоқунуш җәрянида сүрийидә 60 миң әтрапида адәм һаятидин айрилған.

Әсәд нутиқида йәнә ғәрбни сөкүш билән биргә русийә, хитай вә иранни тилға елип, бу дөләтләрниң көрсәткән қоллашлириға рәһмитини билдүргән.

Мәлум болушичә, бирләшкән дөләтләр тәшкилати вә ғәрб әллириниң сүрийидики вәзийәтни тинчландуруш һәмдә әсәдни өктичиләрниң тәләплиригә қулақ селиш чақириқлири кар қилмиған болуп, ички тоқунушлар күнсайин еғирлашқан. Әмма, әсәд сөзидә сиясий ислаһат қилидиғанлиқини тәкитлигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.