Хенәндә төләм тәләп қилған әйдиз бимарлири билән сақчилар арисида тоқунуш йүз бәрди

Радиомиз мухбирлириниң игилишичә, хинәндики әйдиз бимарлиридин 300 дәк киши, 29-өктәбир дүшәнбә күнидин башлап чаңша шәһиридики өлкилик хәлқ һөкүмити бинаси алдиға йиғилип, әйдиз бимарлири үчүн төләм беришни, уларниң пәрзәнтлириниң турмуш расходини һәл қилишни тәләп қилған.

2012.10.30

Нәқ мәйдандин радиомиз зияритини қобул қилған намайишчиларниң билдүрүшичә, уларни тосуш үчүн әвәтилгән йүз нәччә нәпәр сақчи ток калтәклири билән қоралланған болуп, сақчилар билән төләм тәләп қиливатқан әйдиз бимарлири арисида тоқунуш йүз берип, намайишчилардин нәччә онлиған киши сақчилар тәрипидин баш,көзи уруп яриландурулған. Намайиш башламчилиридин 3 киши тутқун қилинған.

Түнүгүн 100 нәччә намайишчи сақчиларниң мәҗбурлиши билән мәйдандин айрилған. Мәлум болушичә, бүгүн сәйшәнбә күни йәнә 100 нәччә киши өлкилик һөкүмәт бинаси алдиға топлинип наразилиқ намайиши елип бериватқанда, һәрқайси наһийиләрдин адәм келип намайиш қиливатқан әйдиз бимарлирини мәҗбурий елип кәткән.

Мәлум болушичә, хенәндики әйдиз бимарлириниң зор көпчилики қан бериш сәвәбидин юқумланғанлар болуп, бу хенәндики әйдиз бимарлириниң 2011-йили 7-айдики наразилиқ намайишидин кейин,4-қетим коллектип һалда хенән өлкилик һөкүмәт бинаси алдиға йиғилип наразилиқ намайиши елип бериши һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.