Fransiye pelestinning b d t da “Nazaretchi dölet” bolush iltimasini qollaydighanliqini bildürdi

Pelestin b d t da bu xil salahiyetke érishse, b d t ichidiki köpligen teshkilatlar bilen munasiwet qilalaydighan, bolupmu, xelq'ara sot mehkimisige biwasite erz sunalaydighan bolghachqa, bu iltimasqimu isra'iliye qarshi turup kelgen. Bügün fransiye tashqi ishlar ministiri bu heqte pikir bayan qilip, fransiyining kéler hepte b d t omumi yighinida awazgha sélinidighan pelestinning mezkur telipige qollap awaz béridighanliqini bildürgen.

Fransiye tashqi ishlar ministiri fransiyining bu meydanigha izahat bérip, fransiyining burundinla pelestinning b d t gha ezaliq iltimasini qollap kelgenlikini, shunga prinsipal meydanini körsitish üchün, pelestinning eza bolmighan nazaretchi döletlik salahiyet telipinimu qollaydighanliqini bildürgen.

B b s ning bügünki bu heqtiki xewiride bayan qilinishiche, fransiye pelestinning b d t gha sun'ghan iltimasini qollighan tunji chong yawropa döliti hésablinidu.