Gérman inzhénérning xitay xotuni uning ishtin boshitilishigha seweb boldi

Ishtin qoghlan'ghan bra'in isimlik énzhinér shirketni “Emgekchiler qanuni” gha xilapliq qilish bilen sotqa erz qilghan. Emma sot otfork shirkitidek gérmaniye armiyisini muhim herbiy lazimetler bilen teminleydighan bir shirketning herbiy mexpiyetliklerning bixeterliki üchün tedbir élishini yolluq dep qarap, uning erzini ret qiliwetken.

B b s ning xewer qilishiche, bra'in sotning hökümige razi bolmay, yuqiri derijilik sotqa erz qilghan. Yuqiri derijilik sot shirketning qilmishini puqralarning erkin nikahlishish hoquqigha xilap, dep qarap ilgiriki sot qararini aghduruwetken.

Sotning békitishi bilen bra'in shirkettin 7 ayliq tölem puli utqan bolsimu, emma yenila ishigha qaytip baralmighan. Mezkur dawa gérmaniye jama'etchilikining diqqitini qozghighan.

Xitayning chet'ellerdiki jasusluq pa'aliyetliri yéqindin buyan xelq'araning birdek qattiq naraziliqigha uchrap kéliwatqan idi.

Ilgiri amérika, kanada, gérmaniye qatarliq döletlerde xitayning yuqiri téxnikiliq herbiy lazimetler we iqtisadiy sahege a'it jasusluq pa'aliyetliri köp qétim bayqilip, alaqidar kishiler jazagha uchrighan bolsimu, xitay özining chet'ellerdiki jasusluq pa'aliyetlirini izchil ret qilip kelmekte.