Bir türküm pa'aliyetchiler ghezze rayonigha yene yardem eslihelirini élip kirmekchi

Fransiye agéntliqida körsitishiche, bu nöwet ghezzige baridighan pa'aliyetchilerning hemmisi dégüdek asiyaliq bolup, bular jem'iy 500 kishidin terkib tapqan iken.

Xewerde neqil qilishiche, türkiyidiki insaniy yardem wexpi bu heqte élan qilghan bayanatida, ghezzige yollinidighan yardem eslihelirining bu yil 20 - dékabir hindistandin yolgha chiqidighanliqini bildürgen. Melum bolushiche, mezkur yardem esliheliri isra'iliye ghezze rayonini qamal qilghanliqining ikkinchi yilliq xatire küni, yeni 27 - dékabir isra'iliye kontrolluqidiki ghezze rayonigha yétip baridiken.

Bu nöwetlik yardem eslihelirini yetküzüsh etritige türkiye, yaponiye, hindistan, hindonéziye, malayshiya we iraq qatarliq döletlerdin kelgen pa'aliyetchiler qatnashqan.

Türkiyidiki insaniy yardem wexpi teshkilligen pida'iylar bu yil maydimu ghezze rayonigha yardem eslihelirini élip kirmekchi bolghanda, isra'iliye armiyisining qoralliq tosqun qilishigha uchrighan we toqunushta türkiyilik 9 pa'aliyetchi qaza qilghan idi.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar