غۇلجىدا يۈز بەرگەن يامغۇر ئاپىتىدە 4 ئادەم ئۆلگەن

ئۇيغۇر ئىلىنىڭ ئىلى ۋىلايىتىدە يېقىنقى بىر قانچە كۈندىن بېرى ئۈزۈلمەي يامغۇر يېغىپ ئاپەتكە ئايلانغان. يامغۇرنىڭ تەسىرىدىن بىر قىسىم جايلاردا كەلكۈن ۋە گېئولوگىيەلىك ئاپەت يۈز بېرىپ، 4 ئادەم ئۆلگەن، 130 مىڭ مو تېرىلغۇ يەر زىيانغا ئۇچرىغان. ئىلى ئوبلاستلىق كەلكۈن ۋە قۇرغاقچىلىققا قارشى تۇرۇش ئىشخانىسىنىڭ ئېلان قىلىشىچە، قورغاس ناھىيىسى ساربۇلاق بازىرىنىڭ تاغلىق رايونىدا ئالدىنقى كۈنى يۈز بەرگەن كەلكۈن ئاپىتىدە ئىككى ئادەم ئۆلگەن.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
2010-07-16
ئېلخەت
پىكىر
Share
پرىنت

بۇ جەرياندا يەنە قاتتىق مۆلدۈر يېغىپ، ئىلى جىلسىدىكى 110 مىڭ مو زىرائەت ۋەيران بولغان. بۇنىڭدىن سىرت غۇلجا ناھىيىسىدە قارا يامغۇر يېغىپ، كەلكۈن ئاپىتىنى كەلتۈرۈپ چىقارغان. مەزكۇر ناھىيىدىكى كەلكۈن ئاپىتىدە مەشغۇلات ئۈستىدىكى ئىككى نەپەر ئىشچى ئىز - دېرەكسىز يوقاپ كېتىپ، جەسىتى كېيىن تېپىلغان.

نۆۋەتتە، ئاپەت خاراكتېرلىك ھاۋارايى سەۋەبىدىن ئىلىنىڭ جېلىليۈزى، قورغاس، چاپچال، موڭغولكۈرە قاتارلىق ناھىيىلىرىدە 60 مىڭ ئادەم ئاپەتكە ئۇچراپ، 4 مىڭغا يېقىن ئۆي زىيانغا ئۇچرىغان ياكى ئۆرۈلگەن. بۇ ھەقتىكى خەۋەرلەردە 130 مىڭ مو زىرائەتنىڭ ئوخشىمىغان دەرىجىدە زىيانغا ئۇچرىغانلىقى ئىلگىرى سۈرۈلگەن. لېكىن يەرلىك مەتبۇئاتلاردا ھۆكۈمەت دائىرىلىرىنىڭ ئاپەتكە ئۇچرىغۇچىلارنى قانداق قۇتقۇزماقچى بولغانلىقىغا دائىر ھېچقانداق خەۋەر بېرىلمىگەن.
پىكىرلەر (0)
Share
تولۇق بەت