Ғулҗида йүз бәргән ямғур апитидә 4 адәм өлгән

Уйғур илиниң или вилайитидә йеқинқи бир қанчә күндин бери үзүлмәй ямғур йеғип апәткә айланған. ямғурниң тәсиридин бир қисим җайларда кәлкүн вә геологийәлик апәт йүз берип, 4 адәм өлгән, 130 миң мо терилғу йәр зиянға учриған. Или областлиқ кәлкүн вә қурғақчилиққа қарши туруш ишханисиниң елан қилишичә, қорғас наһийиси сарбулақ базириниң тағлиқ районида алдинқи күни йүз бәргән кәлкүн апитидә икки адәм өлгән.
Мухбиримиз әркин
2010.07.16

Бу җәрянда йәнә қаттиқ мөлдүр йеғип, или җилсидики 110 миң мо зираәт вәйран болған. Буниңдин сирт ғулҗа наһийисидә қара ямғур йеғип, кәлкүн апитини кәлтүрүп чиқарған. Мәзкур наһийидики кәлкүн апитидә мәшғулат үстидики икки нәпәр ишчи из - дерәксиз йоқап кетип, җәсити кейин тепилған.

Нөвәттә, апәт характерлик һаварайи сәвәбидин илиниң җелилйүзи, қорғас, чапчал, моңғолкүрә қатарлиқ наһийилиридә 60 миң адәм апәткә учрап, 4 миңға йеқин өй зиянға учриған яки өрүлгән. Бу һәқтики хәвәрләрдә 130 миң мо зираәтниң охшимиған дәриҗидә зиянға учриғанлиқи илгири сүрүлгән. Лекин йәрлик мәтбуатларда һөкүмәт даирилириниң апәткә учриғучиларни қандақ қутқузмақчи болғанлиқиға даир һечқандақ хәвәр берилмигән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.