Ghuljida yüz bergen yamghur apitide 4 adem ölgen

Uyghur ilining ili wilayitide yéqinqi bir qanche kündin béri üzülmey yamghur yéghip apetke aylan'ghan. Yamghurning tesiridin bir qisim jaylarda kelkün we gé'ologiyelik apet yüz bérip, 4 adem ölgen, 130 ming mo térilghu yer ziyan'gha uchrighan. Ili oblastliq kelkün we qurghaqchiliqqa qarshi turush ishxanisining élan qilishiche, qorghas nahiyisi sarbulaq bazirining taghliq rayonida aldinqi küni yüz bergen kelkün apitide ikki adem ölgen.
Muxbirimiz erkin
2010.07.16

Bu jeryanda yene qattiq möldür yéghip, ili jilsidiki 110 ming mo zira'et weyran bolghan. Buningdin sirt ghulja nahiyiside qara yamghur yéghip, kelkün apitini keltürüp chiqarghan. Mezkur nahiyidiki kelkün apitide meshghulat üstidiki ikki neper ishchi iz - déreksiz yoqap kétip, jesiti kéyin tépilghan.

Nöwette, apet xaraktérlik hawarayi sewebidin ilining jélilyüzi, qorghas, chapchal, monggholküre qatarliq nahiyiliride 60 ming adem apetke uchrap, 4 minggha yéqin öy ziyan'gha uchrighan yaki örülgen. Bu heqtiki xewerlerde 130 ming mo zira'etning oxshimighan derijide ziyan'gha uchrighanliqi ilgiri sürülgen. Lékin yerlik metbu'atlarda hökümet da'irilirining apetke uchrighuchilarni qandaq qutquzmaqchi bolghanliqigha da'ir héchqandaq xewer bérilmigen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.