Ghuljidiki bir yer asti chérkawi xitay saqchiliri teripidin mejbur tarqitiwétildi

Rojistiwa bayrimi harpisida Uyghur élidiki bir qisim xristi'an muritlirining yighilishi saqchi da'iriliri teripidin mejburiy meniy qilin'ghan bolup, boshün torida xitaygha yardem bérish jem'iyitining éytqanliridin neqil élip körsitishiche, mezkur yighilishning yétekchisi saqchilarning tehdit sélishigha uchrighan.
Muxbirimiz jüme
2008.12.25

Xewerde ashkarilinishiche, weqe 21 - dékabir ghulja shehiride yüz bergen bolup, ghulja shehirige jaylashqan bir yer asti chérkawi xitay saqchiliri teripidin mejbur tarqitiwétilgen.

Melum bolushiche, mezkur yer asti chérkawning popi shyé shyenxu'agha agahlandurush bérilgen hemde eger yighilishni yene dawamlashturidighan bolsa qolgha élinidighanliqi heqqide tehdit sélin'ghan.

Gerche xitay hökümiti özlirini dini erkinlikke hörmet qilidighan dölet dep jakarlap kéliwatqan bolsimu, emma Uyghur élide jümlidin pütün xitay miqyasida din'gha ishen'güchilerni her xil shekilde basturup kéliwatqan bolup, junggogha yardem jem'iyitining uchurigha asaslan'ghanda, "dölet mexpiyetlikini ashkarilash" dégen'ge oxshash jinayetler bilen eyiblinip 2007 ‏ - yili qamaqqa élin'ghan Uyghur xristi'an muriti alimjan himit we osman iminlar bularning tipik misali iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.