' Gérmaniye 17 neper Uyghurni qobul qilishqa teyyarliq körüp qoyushi kérek'

Gérmaniye hökümitining kishilik hoquq wekili yéngi saylan'ghan amérika prézidénti barak obamaning gu'antanamo herbiy türmisini taqash pilani heqqide toxtilip gérmaniye hökümitini mezkur herbiy türmide yétiwatqan 17 neper Uyghurni qobul qilishqa chaqirdi.
Muxbirimiz jüme
2008-12-22
Élxet
Pikir
Share
Print

Gérmaniye hökümitining kishilik hoquq wekili ga'unter nok bu sözlerni frankfurter runshaw gézitining ziyaritini qobul qilghanda éytqan bolup, uning bu heqtiki pikirliri mezkur gézitining 20 - dékabirdiki sanigha bésilghan.

Nok gu'antanamo herbiy türmisining amérika uchun bir mesile ikenlikini, emma, bu yerge qamalghan tutqunlarni orunlashturidighan jay tépilmasliqi seweblik, bu türmini taqash ishlirining meghlup bolushigha yol qoyushqa bolmaydighanliqini otturigha qoyghan.

Nok gu'antanamo türmisini taqash pilanning utuqluq bolushida, gérmaniyini oz ichige alghan yawropa ellirining obamaning gu'antanamoni taqash ishlirigha yardem qolini sunushi we gérmaniyining mezkur türmige qamalghan 17 neper Uyghurni qobul qilishqa teyyarliq körüp qoyushi kéreklikini ilgiri sürgen.

Nöwette amérika herbiy da'iriliri we amérikining her derijilik fédératsiye sot mehkimiliri teripidin gunahsizliqi ispatlan'ghan 17 neper Uyghur, peqet ularni qobul qilidighan birer dölet chiqmighanliqi seweblik, bu türmide dawamliq iztirap chékishke mejbur bolmaqta.

Hazir Uyghur kishilik hoquq teshkilatlirini oz ichige alghan kishilik hoquq teshkilatliri hemde amérikining munasiwetlik dölet organliri bu Uyghur tutqunlar mesilisini hel qilishning muwapiq chariliri üstide izdenmekte.


Toluq bet