Gérmaniye yük paraxoti hindi okyanda somali qaraqchiliri teripidin görüge élindi

Gérmaniyining bir dane 20 ming tonniliq yük paraxoti hindi okyanda somali déngiz qaraqchiliri teripidin tutuwélin'ghan bolup, xewerlerde körsitilishiche, mezkur paraxotta 24 neper déngizchi bar iken.
Muxbirimiz ümidwar
2009.04.05

Gérmaniyining mezkur yük paraxoti kéniye déngiz tewesi bilen seyshil taqim aralliri arisigha toghra kelgen jayda bulangchiliqqa uchrighan.

Xewerlerdin qarighanda, somali déngiz qaraqchiliri mesilisi nöwette, muhim mesilige aylan'ghan bolup, hazirghiche ular 13 yük paraxoti we 240 neper déngizchini görüge éliwalghan.

Hindi okyan, yük paraxotliri eng köp qatnaydighan okyan bolup, yawropa - asiya we afriqini baghlaydighan mezkur okyanda somali déngiz qaraqchiliri her qaysi dölet yük paraxotliri we déngizchilirini endishige salidighan mesilige aylinip, xelq'araliq ghulghula qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.