ХитайGoogle ниң тиҗарәт кинишкисини йеңилап бәрди

Google Ширкитиниң җүмә күни ашкарилишичә, хитай даирилири Google издәш ториниң тиҗарәт кинишкисини йеңилап бәргән. Google Ширкитиниң баш қанун мәслиһәтчиси дәйвид друммонд җүмә күни язма ахбарат елан қилип, "хитай һөкүмитиниң тиҗарәт кинишкимизни йеңилап бәргәнлики бизни наһайити хурсән қилди. Биз хитайдики тор қолланғучи херидарлиримизға үзлүксиз тор издәш вә йәрлик мәһсулат мулазимити қилишни күтимиз" дегән.
Мухбиримиз әркин
2010.07.09

Лекин, хитайниң дөләтлик учур санаәт министирлиқи Google ға тиҗарәт кинишкиси йеңилап берилгәнлик мәсилисигә һазирға қәдәр һечқандақ инкас қайтурмиди. Google Ниң тиҗарәт кинишкисиниң вақти бу йил 6‏- айда тошқан. Бәзи көзәткүчиләр хитай һөкүмити Google ға тиҗарәт кинишкиси йеңилап беришни рәт қилип, Google ниң сода мәшғулатиға нурғун тосалғу пәйда қилиши мумкин дәп қариған. Лекин, көзәткүчиләрниң бу пәризи тоғра чиқмиди.

Google Ширкити бу йилниң башлири хитай даирилирини ашкара тәнқидләп, бәзи хитай сиясий өктичилириниң Google дики хәт сандуқи хакланғанлиқини илгири сүргән һәм хитай базиридин чекинип чиқидиғанлиқини агаһландурған. Интернет әркинликини тәшәббус қилғучи бәзи җәмийәтләр хитайниң Google ға тутқан позитсийисини әйибләп, хитайни дуня сода тәшкилатиға әрз қилишниң қануни йоллириға баш уридиғанлиқини билдүргән иди.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.